“Daşnaksütyun” partiyasının üç nümayəndəsi həbs olunub.

KONKRET.az xəbər verir ki, bu barədə “Hayastan” fraksiyasının deputatı Kristne Vardanyan yazıb.

Çərşənbə günü səhər aparılan axtarışlardan sonra Daşnaksütyun partiyasının 3 üzvü polis bölmələrinə aparılıb.

“Bu gün səhər hüquq-mühafizə orqanlarının nümayəndələri “Daşnaksütyun”un ali orqanının sədrinin mənzilinə baş çəkiblər. Hazırda partiya sədri cinayət işi çərçivəsində şahid statusu alıb.

Partiyanın daha 3 üzvü polisə həbs olunub.

Vəkillər Sergey Arutyunyan, Arsen Babayan, Benik Qalstyan və Vaan Ovannisyan partiya üzvlərinin hüquqlarını müdafiə edirlər”, – deyə deputat yazıb.

Xuraman Etibarlı,

KONKRET.az