Quba-Xaçmaz Regional Təhsil İdarəsinin tabeliyində fəaliyyət göstərən ümumtəhsil müəssisələrinin rəhbərləri ilə erkən nikah hallarının qarşısının alınması mövzusunda müzakirələr təşkil olunub.

Müzakirələr zamanı bu sahədə təhsil müəssisələrində maarifləndirmə işinin gücləndirilməsinin aktuallığı vurğulanıb, təhsil ocaqları, valideynlər və müvafiq dövlət orqanlarının koordinasiyalı fəaliyyətinin təşkil olunmasının vacibliyi qeyd olunub.

Müzakirələrdə iştirak edənlər mövzu ilə bağlı fikirlərini bölüşərək təhsil işçilərinin bu istiqamətdə fəaliyyətinin əhəmiyyətini və təhsilalanların maarifləndirilməsinin vacibliyini qeyd ediblər.