Erməni terror təşkilatı VOMA Azərbaycanla mümkün müharibə vəziyyətində silahlıların növbəti toplanması barədə məlumat yayıb.

KONKRET.az xəbər verir ki, “Antituran” Teleqram kanalı bu münasibətlə müvafiq qeyd dərc edib və orada “VOMA ölkə üçün ehtiyatda olan əsgərlər hazırladığını” bildirib.

Vova Vartanovun əlaltıları özləri də etiraf edirlər ki, “düşmən güclüdür, texniki cəhətdən savadlıdır” və buna görə də ermənilər respublikanın müdafiə qabiliyyətinin gücləndirilməsini ən mühüm məqsəd kimi qəbul etməlidirlər.

Bu arada İkinci Qarabağ müharibəsi zamanı bu təşkilatın yaraqlılarının effektivliyi sıfıra bərabər olub.

Onlar mümkün qədər cəbhədən uzaq durublar və utanmadan kameralar qarşısında poz veriblər.

Yeni müharibə olacağı təqdirdə isə dəmir yumruqla qarşılaşacaqlar, poz verməyə isə vaxtları olmayacaq.

Roman Göytürk,

KONKRET.az