Xəbər verdiyimiz kimi, ötən gün Türkiyənin Ərzincan şəhərində qızıl mədənində torpaq sürüşməsi baş verib. Hadisə nəticəsində mədəndə işləyən 9 nəfər itkin düşüb.
KONKRET.az “TRT Haber”ə istinadən xəbər verir ki, torpaq sürüşməsi ilə bağlı aparılan istintaq çərçivəsində 7 nəfər saxlanılıb.
Qeyd edək ki, hazırda itkin düşən 9 nəfərə görə axtarış-xilasetmə işlərində 1800 nəfər iştirak edir. Bununla yanaşı, axtarışlarda 600-dən çox texnika, 6 dron və 44 generatordan istifadə edildiyi bildirilir.