“Fənərbaxça”nın koronavirusa yoluxan futbolçusunun adı müəyyənləşib.

KONKRET.az-ın məlumatına görə, İstanbul təmsilçisinin hücumçusu Maks Kruzedə bu xəstəliyin əlamətləri aşkarlanıb.

Bu gün keçirilən müayinədən sonra 32 yaşlı oyunçunun testlərinin nəticəsi müsbət çıxıb və o, xəstəxanaya aparılıb. Almaniya millisinin üzvünün müalicəsinə artıq başlanılıb.

Qeyd edək ki, “Fənərbaxça”nın bir həkimi də koronavirusa yoluxduğu üçün xəstəxanada karantinə alınıb.

========================================================================================

“Fənərbaxça”nın futbolçuları və işçi heyəti koronavirus testindən keçib.

KONKRET.az-ın klubun saytına istinadən xəbər verir ki, futbolçulardan birinin testi müsbət nəticə verib. Virusa yoluxan oyunçunun kimliyi açıqlanmayıb.