ABŞ gizli danışıqlar zamanı Venesuela Prezidenti Nikolas Maduroya hakimiyyətdən getməsi müqabilində amnistiya təklif edib.
KONKRET.az xəbər verir ki, bu barədə “The Wall Street Journal” məlumat yayıb.
Məlumata görə, söhbət ABŞ Ədliyyə Departamentinin 2020-ci ildə Maduroya və digər Venesuela hökumət rəsmilərinə qarşı irəli sürdüyü narkoterrorizmdə iştirak ittihamlarının geri götürülməsindən gedir.
Mənbənin məlumatına görə, ABŞ hələ 2023-cü ildə Dohada gizli danışıqlar zamanı prezidentə eyni şərtlərlə amnistiya təklif edib, lakin Maduro bundan imtina edib və o vaxtdan bəri onun mövqeyi dəyişməyib.