Apple 98 ölkədəki iPhone istifadəçilərinə casus proqram hücumları barədə xəbərdarlıq edib. Son xəbərdarlıq bu ilin ikinci xəbərdarlığı olub. Ötən aprel ayında 92 ölkədəki istifadəçilər oxşar bildiriş aldılar.

KONKRET.az xarici mediaya istinadən xəbər verir ki, Apple bu bildirişləri 2021-ci ildən müntəzəm olaraq göndərir və 150-dən çox ölkədə istifadəçilərə çatır.

Çərşənbə günü dərc edilən son xəbərdarlıqlarda hücum edənlərin kimliyi və ya istifadəçilərin bildirişləri aldığı ölkələr haqqında ətraflı məlumat verilməyib.

“Apple Apple ID-nizlə əlaqəli “iPhone”unuzu uzaqdan pozmağa cəhd edən pullu casus proqram hücumuna məruz qaldığınızı aşkar etdi” deyə şirkət müştərilərə göndərdiyi xəbərdarlıqda bildirib.

Bu hücum çox güman ki, istifadəçinin kimliyini və ya nə etdiyini müəyyənləşdirmək istəyir. “Lütfən, bunu ciddi qəbul edin!”, – deyə Apple bildirir.

Hindistan təhdid bildirişləri alan ölkələr sırasındadır

İstifadəçi ifadələrinə görə, Hindistandakı istifadəçilər Apple-ın son təhdid bildirişlərini alanlar arasındadır.

Apple oktyabr ayında ölkədəki bir çox jurnalist və siyasətçiyə oxşar xəbərdarlıqlar göndərib.

İnsan haqlarını müdafiə edən Amnesty İnternational qrupu bildirib ki, İsrailin “NSO Group” şirkəti tərəfindən hazırlanmış yüksək aqressiv casus proqramı olan “Pegasus” Hindistanın tanınmış jurnalistlərinin iPhone-larında aşkar edilib.

Rəsmiyyə Şərifova,

KONKRET.az