Danimarkanın paytaxtı Kopenhagendə müqəddəs Qurani-Kərimə qarşı növbəti dəfə təxribat törədilib.

KONKRET.az xəbər verir ki, iranlı rəssam Firuzə Bəzrəfkən ölkəsinin Danimarkadakı səfirliyi qarşısında Quran kitabını parçalayıb və daha sonra parçaları rəndədən keçirib.

Bəzrəfkən aksiya zamanı “Qadın”, “Həyat” və “Azadlıq” şüarları səsləndirib.

Onun sözlərinə görə, məqsədi İranda müqəddəs kitabın şərtlərinə etiraz etmək və qadınların hüquqlarının kəskin şəkildə pozulduğunu vurğulamaq olub.

Qeyd edək ki, son dövrlərdə İsveç və Danimarkada Quranın nümayişkəranə yandırılması aksiyaları baş tutub. Hadisə ilə əlaqədar bir sıra müsəlman ölkələrində etiraz aksiyaları keçirilib. Danimarka hökuməti Quranın yandırılmasını qadağan etmək üçün hərəkətə keçib.