İrlandiyanın gənclərdən ibarət komandası Küveytlə yoldaşlıq oyunu zamanı meydanı vaxtından əvvəl tərk edib.

KONKRET.az İrlandiya Futbol Federasiyasının saytına istinadən xəbər verir ki, yığma rəqib oyunçunun irqçi ifadəsindən sonra bu addımı atıb.

Avstriyada keçirilən qarşılaşma 86-cı dəqiqədə vaxtından əvvəl başa çatıb. Həmin vaxt İrlandiya komandası 3:0 hesabı ilə öndə olub.

Qeyd olunub ki, İrlandiya Futbol Federasiyası hadisə ilə bağlı FİFA və UEFA-nı məlumatlandıracaq.