Ukraynanın keçmiş baş prokurorunun müavini Olqa Kolinko və qızı Yaroslava Kiyevdə cansız halda tapılıb.

KONKRET.az xəbər verir ki, bu barədə Ukraynanın “Zerkalo Nedeli”nəşri hüquq-mühafizə orqanlarındakı mənbələrə istinadən yazır.

Qadınların öz mənzillərində tapıldığı bildirilir.

Nəşrin məlumatına görə, hadisə yerində əməliyyat-istintaq qrupu və ekspertlər işləyir.

71 yaşlı Olqa Kolinko uzun illər ağır xəstə idi və küçəyə çıxmırdı.

Kolinko iki dəfə Ukrayna Baş prokurorunun müavini vəzifəsində çalışıb: 1993-2000-ci illərdə və 2003-2005-ci illərdə. 2001-2003-cü illərdə o, keçmiş prezident Leonid Kuçmanın yanında Mütəşəkkil Cinayətkarlıqla və Korrupsiyaya Qarşı Mübarizə Komitəsinə rəhbərlik edib.

Burhan,

KONKRET.az