Makron ABŞ və Çini “əsəbi fillər” adlandırıb.

KONKRET.az xəbər verir ki, bu barədə Agence France-Presse (AFP) məlumat yayıb.

Fransa Prezidenti Emmanuel Makron Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində çıxış edərkən “qarşıdurmaya” son qoymağa çağırıb.

Makron Fransanı Çin və ABŞ arasında fövqəldövlət mübarizələrinin uzun müddət dominantlıq etdiyi regionda balanslaşdırıcı qüvvə adlandırıb.

“Biz hegemonluğa inanmırıq, qarşıdurmaya inanmırıq, sabitliyə inanırıq”, – deyə Makron bildirib.

Regional güclər, o cümlədən Hind və Sakit Okeanlarda, Reunion, Yeni Kaledoniya və Fransız Polineziyası da daxil olmaqla, xaricdə əraziləri olan Fransa da daxil olmaqla, öz rolunu oynamalıdırlar.

“Biz cəngəllikdəyik və getdikcə əsəbiləşən iki böyük filimiz var. Əgər onlar çox əsəbiləşib müharibəyə başlasalar, bu, cəngəlliyin qalan hissəsi üçün böyük problem olacaq. Bir çox başqa heyvanlarla əməkdaşlığa ehtiyacınız olacaq: pələnglər, meymunlar və s.”, – Makron deyib.

Makron Ukraynadakı müharibəni qlobal qeyri-sabitliyin əsas mənbəyi adlandırıb. O bildirib ki, bütün Asiya ölkələri hərəkətə keçmək borcunu tanımalıdır.

Xuraman Etibarlı,

KONKRET.az