Fransa Prezidenti Emmanuel Makron Suriyanın Prezidenti Əş-Şaaranı rəsmi olaraq Yelisey sarayında qəbul edib. Bu, uzun illərdən sonra Fransa ilə Suriya arasında bu səviyyədə ilk rəsmi təmas kimi qiymətləndirilir.

KONKRET.az xəbər verir ki, görüş zamanı tərəflər Yaxın Şərqdəki təhlükəsizlik vəziyyəti, Suriya böhranının siyasi həlli, eləcə də qaçqınların qayıdışı və humanitar yardım məsələlərini müzakirə ediblər. Makron bölgədə sabitliyin təmin olunmasının vacibliyini vurğulayaraq qeyd edib ki, Fransa beynəlxalq hüquq və BMT qətnamələri çərçivəsində diplomatik yollarla həllə dəstək verməyə hazırdır.

Natiq Səlim,
KONKRET.az