Yevlaxda yük maşını nasaz avtomobilini yolun kənarına itələyən şəxsi vuraraq öldürüb.
KONKRET.az xəbər verir ki, hadisə Bakı-Qazax magistralının rayonun Aran qəsəbəsindən keçən 305-ci kilometrliyində qeydə alınıb.
Belə ki, 1990-cı il təvəllüdlü Məhərrəm Qurbanzadə nasaz vəziyyətdə olan avtomobilini yolun kənarına itələyərək çıxarmaq istəyib. Bu zaman arxadan gələn və 1998-ci il təvəllüdlü Turxan Abbasovun idarə etdiyi “Mercedes Atego” markalı TIR ona çırpılıb.
Məhərrəm Qurbanzadə aldığı xəsarətdən hadisə yerində ölüb.
Araşdırma aparılır.//Qafqazinfo