Vətəndaşların verdiyi məlumata görə, “Azəristiliktəchizat” mənzillərə verilən istiliyin qiymətini fərqli hesablamağa başlayıb. Belə ki, əvvəllər qiymət istiliyin yaşayış sahəsinin neçə kvadratmetr ərazisini əhatə etməsi ilə hesablayırdısa, artıq evin ümumi sahəsinə görə hesablama aparılır.
KONKRET.az xəbər verir ki, məsələni aydınlaşdırmaq üçün Modern.az “Azəristiliktəchizat” ASC-nın mətbuat katibi Elvin Basqallı ilə əlaqə saxlayıb.
O, bu məlumatın doğru olduğunu təsdiqləyib. Elvin Basqallının sözlərinə görə, müvafiq qayda Nazirlər Kabinetinin 5 sentyabr 2023-cü ildə qəbul etdiyi qərara əsasən tənzimlənir.
“Nazirlər Kabinetinin qərarına əsasən ödəniş zamanı evin ümumi sahəsi əsas götürülür. Ödəniş açıq eyvanlar istisna olmaq şərti ilə ümumi sahəyə görə hesablanır. Mövcud tariflərdə dəyişiklik yoxdur. İstilik haqqı mənzilin hər 1 kv.m-i üçün aylıq 15 qəpik təşkil edir”, – deyə mətbuat katibi bildirib.
Bu il istilik sistemində problem oldu.işləmədi nəsə.hara müraciət elədimsə hec kim vecinə belə almadı.deyirlər evin 1 ci mərtəbəsində restoran təmir edib onlar nəsə qurdalanıb orda
Ona görə də bizdə işləmədi.hakbuki indiyə qədər heç vaxt belə bir şey olmamışdı.umid yalnız allaha qalıb.ozu bizə rəhm eləsin.allah mərdiməzarin evin dağıtsın