Ağ Evin mətbuat katibi Karin Jan–Pyer səhvən özünün “X”səhifəsində ABŞ Prezidenti Co Baydenin adından yazı dərc edib.
KONKRET.az xarici KİV-ə istinadən xəbər verir ki, o, səhvini gec görüb və yazı yarım saat sonra silinib.
“Amerikaya sərmayə qoymaq bütün ölkəyə investisiya qoymaq deməkdir. Prezidentliyə namizədliyimi irəli sürərkən söz vermişdim ki, ölkənin heç bir bölgəsini diqqətsiz qoymayacağam”, – mesajda deyilir.
Qeyd edək ki, bu zaman Baydenin rəsmi səhifəsi ABŞ-da külək enerjisi üçün üç milyard dollar məbləğində investisiyalardan bəhs edən bir bəyanat dərc edib.
İqbal Rzayev,
KONKRET.az