Mixail Saakaşvili siyasətdən gedir və özünün yaratdığı Vahid Milli Hərəkat partiyasını tərk edir.

KONKRET.az xəbər verir ki, bu barədə eks-prezidentin vəkili Valeri Gelbaxiani deyib.

“Siyasətdən getməsinin səbəbi onun həyatını qorumaq və xilas etməkdir. Bunun əsasında bütün suallara son qoyulub. İndi söhbət onun həyatından gedir, siyasətdən yox. Ölüm-qalım məsələsidir”, – deyə Gelbaxiani bildirib.

Qeyd edək ki, hazırda Saakaşvili səhhəti pisləşdiyi üçün mayın 12-də köçürüldüyü “Vivamed” özəl klinikasında müalicəsini davam etdirir. Gürcüstanın eks-prezidenti 2021-ci il oktyabrın 1-də ona qiyabi olaraq verilən iki hökm əsasında saxlanılıb. O, altı il həbs cəzası alıb. Daha 3 iş icraatdadır.

Xuraman Etibarlı,

KONKRET.az