Ötən gecə Luqanskda yeni partlayış səsləri eşidilib.

KONKRET.az Ukrayna mediasına istinadən xəbər verir ki, Luqanskın şərq hissəsindəki partlayışlar nəticəsində yanğın baş verib.

Sosial şəbəkələrdə yanğınla bağlı videolar paylaşılıb. Bu yanğının aerodromda olduğu iddia edilir. Luqansk separatçıları bu xəbəri şərh etməyib.

Bu arada Ukrayna əsgərləri Xarkov vilayətinin Liptsi rayonunda uğur qazanıblar, lakin işğalçı qoşunlar hücumlarını dayandırmır.

Müharibə Araşdırmaları İnstitutunun (ISW) hesabatında deyilir ki, Müdafiə Qüvvələri mayın 27-də Rusiyanın hücumları fonunda Xarkovdan şimalda Liptsi kəndinə doğru irəliləyişlər edib.

Geolokasiya çəkilişləri göstərir ki, Ukrayna Silahlı Qüvvələri bu yaxınlarda Liptsinin şimalındakı çöllərdə ərazinin bir hissəsini geri alıb.

Xatirə SADİQ,

KONKRET.az