Çinin xarici işlər naziri Tsin Qan bir aya yaxındır ictimaiyyət qarşısına çıxmır. Bu da mediada müzakirələrə səbəb olub.

KONKRET.az xarici KİV-ə istinadən xəbər verir ki, XİN–in sözçüsü Mao Nin Pekində keçirdiyi brifinqdə nazir Tsin Qanın uzun müddət ictimaiyyət qarşısına çıxmamasına münasibət bildirib.

“Bununla bağlı verəcəyim məlumat yoxdur”, – deyə diplomat nazirin yeri barədə məlumatının olub-olmaması sualını cavablandırıb.

Daha əvvəl “Bloomberg” mənbələrə istinadən xəbər verib ki, Britaniya XİN başçısı Ceyms Kleverli çinli həmkarının “yoxa çıxması”na görə Pekinə səfərini təxirə salıb.

Qeyd edək ki, Tsin Qan 1-15 iyul tarixlərində Cakartada keçirilən Cənub-Şərqi Asiya Ölkələri Assosiasiyasının (ASEAN) xarici işlər nazirlərinin illik toplantısında iştirak etməyib. Onun əvəzinə İndoneziyaya ÇKP Mərkəzi Komitəsinin Xarici Əlaqələr Komissiyasının rəhbəri Vanq Yi gedib.

İqbal Rzayev,

KONKRET.az