ABŞ-da polislərdən biri tatuajına görə xidmətdən qovulub.

KONKRET.az xarici mediaya istinadən xəbər verir ki, xidmətdən qovulan adamın adı Ceyson Daredir. O, Nyu-Cersi ştatında adi bir polis məmuru idi. Onun boynunda “Qan Şərəfi” yazan döymə olduğu aşkar edilkdən sonra müqaviləsinə xitam verilib. Bu şüar ağ supremasist qruplarla əlaqələndirilir.

Daha sonra Ceysonun sosial şəbəkələrində onun biləklərində döymə vurulmuş dəmir xaçlarla – yerli skinhedlərin loqosu ilə təsvir olunduğu fotoşəkillər tapılıb. Darenin 19 il polis məmuru kimi xidmət etdiyi bildirilir.

Onun işlədiyi yerli polis idarəsinin bəyanatında deyilir ki, “Nyu Cersi ştatı polisində və ya başqa yerdə nifrətə yer yoxdur”.

Günel Mikayılova,

KONKRET.az