Bu gündən Qazaxıstanda prezidentliyə namizədlərin irəli sürülməsi prosesinə başlanılıb.
KONKRET.az “Zakon.kz”a istinadən xəbər verir ki, proses oktyabrın 11-i saat 18:00-da başa çatacaq.
Bildirilib ki, ölkədə növbədənkənar prezident seçkiləri 2022-ci il noyabrın 20-nə təyin edilib.
İmza vərəqələri namizədin konstitusiya qanununun tələblərinə uyğunluğu müəyyən edildikdən sonra beş gün müddətində veriləcək.
Qeyd edilib ki, Qazaxıstanda 2022-ci il iyulun 1-nə olan məlumata görə, seçicilər siyahısına 11,8 milyon vətəndaş daxil edilib.
Hər bir namizəd Mərkəzi Seçki Komissiyası tərəfindən qeydə alınma mərhələsində 118 mindən çox seçici imzası toplamalıdır.
Seçkiqabağı təşviqat 2022-ci il oktyabrın 21-i saat 18:00-dan noyabrın 18-dək davam edəcək.
İqbal Rzayev,
KONKRET.az