Qəzza zolağı ilə altı sərhəd bölgəsində aktiv döyüşlər davam edir.

KONKRET.az xəbər verir ki, bu sözləri İsrail Müdafiə Qüvvələrinin baş nümayəndəsi Daniel Həqari deyib.

Onun sözlərinə görə, Beeri, Kfar Az, Nirim və Alumimdə döyüşlər hələ də davam edir.

Həqari bildirib ki, HƏMAS döyüşçülərinin bəziləri hücumdan sonra İsraildə olub, bəziləri isə son iki gündə sərhədi keçib.

Onun sözlərinə görə, bir gecədə 70-ə yaxın yaraqlı Beeriyə daxil olub, onların əksəriyyəti İDF qoşunları ilə döyüşlərdə həlak olub, lakin digərləri hələ də Kibbutzdakı evlərdə gizləniblər.

O qeyd edib ki, indiyədək İDF Qəzza zolağında 425, İsrail daxilində isə daha yüzlərlə fələstinli döyüşçünü öldürüb.

Bundan əlavə, İsrail ordusu Qəzza zolağında 1148 hədəfi vurduğunu açıqlayıb.

Ariz Həsənoğlu,

KONKRET.az