Gürcüstanda ilk dəfə hamilə qadın koronavirusa yoluxub.

KONKRET.az xəbər verir ki, bu barədə Tbilisi Dövlət Tibb Universitetinin Birinci Universitet Klinikasının direktoru Lali Turdzeladze məlumat verib. O, bildirib ki, hazırda pasiyent paytaxta gətirilir. Koranavirusa yoluxan şəxs Bolnisi rayon sakinidir. Qadının hamiləliyin hansı dövründə olması bilinmir. Onun müalicəsinə infeksionistlərlə yanaşı, ginekoloq həkimlər də cəlb ediləcək.

Qeyd edək ki, ümumilikdə Gürcüstanda 77 nəfər koronavirus daşıyıcısıdır. Bolnisi və Marneuli rayonunda 200 min insan yaşayır. Onların böyük əksəriyyətini isə azərbaycanlılar təşkil edir.