Rusiya koronavirusla bağlı əvvəllər tətbiq etdiyi məhdudiyyətləri dayandırır.

KONKRET.az xəbər verir ki, bu barədə “Rospotrebnadzor” məlumat yayıb.

“Epidemioloji prosesin intensivliyinin davamlı azalması ilə əlaqədar “Rospotrebnadzor” əvvəllər tətbiq edilmiş məhdudiyyətləri dayandırır”, – məlumatda qeyd olunub.

Qərar maska ​​rejimi, iaşə obyektlərində gecə işləmək qadağası və bir sıra digər məhdudiyyətlərə aid edilir.

Qeyd edək ki, son sutkada Rusiyada 3106 nəfər koronavirusa yoluxub, onlardan 1195 nəfəri xəstəxanaya yerləşdirilib.