Bu sözləri naşir Şahbaz Xuduoğlu sosial şəbəkə hesabında yazıb.
KONKRET.az onun paylaşımını təqdim edir: “Dövlət idarəsinin qarşısıdır – dayanmaq olmaz. Marketin qarşısıdır – dayanmaq olmaz. Beş il oldu, təkərli kitabı məhələlərə və regionlara çıxardıq. Bir yerdə də səlahiyyət sahiblərindən “xoş gəldiniz” eşitmədik. Hər yerdə zabitə süngüsü, hər yerdə sorğu-sual. Digər tərəfdən də insanların biganə münasibəti, kitaba ikrah doğuran nəzərləri. Amma uşaqların sevincini gördük. Məhz budur, əlimizi soyutmayan.
“Təkərli kitab dükanı” Sumqayıtda bir məhlədən qovulub, o biri məhləyə gedir. “Bağça şəhər” evlərinin komendantı sakinlər adından 102-yə şikayət edib ki, “Təkərli kitab dükanı”nı məhləmizdə görmək istəmirik. Mən belə bir cəmiyyət heç yerdə görməmişəm və heç kəsə də arzulamıram. İnsanlıq üçün ən təhlükəli bəla ilə üz-üzəyik”.
Şahbaz bəy, ağır da olsa, deyəcəm – artıq manqurtlaşmadan ötüb, essəkliyə doğru inamla irəliləyirik…
Ötən ay oğlumla xəstəxanada qalmalı oldum.Orda qaldığım müddətdə mütəmadi olaraq mütaliə edirdim.Hətta bu qədər boş vaxtımın olması mənə daha çox kitab oxumağım üçün bir şansidi.Palataya kim daxil olurduza -həm tibb həm də təmizlik personalından mənə ilk sualları bu olurdu ki-siz müəlliməsiniz?Deyirdim xeyr.sadəcə. kitab oxumağı çox sevirəm.İnsanların buna bir möcüzə kimi baxmaqları məni bir insan kimi çox narahat edir.Çünki kitab oxumaq .məhz KİTAB oxumaq özü də bir mədəniyyətdir.Və biz get-gedə bu mədəniyyətimizi itirməyə doğru gedirik.