“Serbiya Ermənistana silah satması barədə araşdırmalara başlayıb”.

KONKRET.az-ın məlumatına görə, bunu Xarici İşlər nazirinin müavini Xələf Xələfov brifinqdə deyib.

O bildirib ki, Azərbaycan Serbiyadan adekvat cavablar gözləyir:

“Biz Azərbaycanın Serbiyadakı səfirliyi ilə mütəmadi olaraq əlaqə saxlayırıq. Serbiya tərəfi məsələni araşdıracağını bildirib”, – deyə o əlavə edib.

X.Xələfovun sözlərinə görə, Serbiya şirkətlərinin Ermənistana satdığı silahlar Tovuzda Azərbaycana qarşı yönəlib.