Türkiyənin tanınmış seysmoloqu Ərdoğanı yeni evlər tikməyə tələsməməyə çağırıb.

KONKRET.az xəbər verir ki, bu bardə Türkiyənin “Milliyet” qəzetinin məlumat yayıb. Maraşda zəlzələ olacağını proqnozlaşdıran tanınmış türk seysmoloqu Naci Görür Ərdoğanı hələ fəlakət zonasında tikintiyə başlamamağa çağırıb.

“Mart ayında tikinti işlərinə başlanacağı xəbəri üzərinə Ərdoğanın sözlərini eşitdim. Lakin tikilməkdə olan ərazinin seysmik xəritəsi hərtərəfli tərtib edilmədən tikintiyə başlamaq olmaz”, – Görür xəbərdarlıq edib.

Seysmoloq, heç olmasa, bu dəfə onun sözlərinin nəzərə alınacağına ümid etdiyini bildirib.

Xuraman Etibarlı,

KONKRET.az