Türkiyə Maldiv adaları, Kuba və Şri-Lankaya uduzaraq, tur paketinin orta qiyməti baxımından ən bahalı kütləvi turizm istiqamətləri beşliyinə daxil olub.

KONKRET.az xarici KİV-ə istinadən xəbər verir ki, bu barədə Rusiya Turoperatorları Assosiasiyasının (ATOR) sədri Maya Lomidze bildirib.

O qeyd edib ki, Rusiya ən ucuz turizm istiqaməti olub. Belə ki, Rusiyada turlar üçün avqustda orta qiymət cəmi 79,8 min rubl təşkil edib.

ATOR-un məlumatına görə, bu ay Tailanda turlar üçün orta qiymət 175,8 min rubl, Türkiyəyə – 183 min rubl, Şri-Lankaya – 213 min rubl, Kubaya – 238,8 min rubl, Maldiv adalarına – 392 min rubl təşkil edib. BƏƏ və Misirə isə avqust turlarının orta qiymətləri 150 min rubldan bir qədər çoxdur.

O bildirib ki, qiymətlərin yüksək olması səbəbindən Türkiyənin dənizkənarı kurortlarına turist axınının dinamikası gözləniləndən xeyli aşağı olub. Buna baxmayaraq, Türkiyə Rusiyadan olan turislər üçün bir nömrəli ölkədir.

İqbal Rzayev,

KONKRET.az