Ukrayna Hərbi Dəniz Qüvvələrinin komandan müavini, aviasiya polkovniki İqor Bedzay hərbi tapşırığın icrası zamanı həlak olub.
KONKRET.az Ukrayna KİV-ə istinadən xəbər verir ki, bu barədə “Sağ qayıt” fondunun direktoru Taras Çmut açıqlama verib.
O, Bedzayın da göyərtəsində olduğu Mi-14 helikopterinin Rusiya qırıcısı tərəfindən havada vurulduğunu söyləyib:
“Dəniz Qüvvələrinin ən yaxşı zabitlərindən biri, Hərbi Dəniz Qüvvələri komandirinin aviasiya üzrə müavini, polkovnik İqor Bedzay Ukrayna səmasında həlak olub. O, daha çox Sak yaxınlığındakı Novofedorovkadan olan 10-cu Hərbi Dəniz Aviasiya Briqadasının keçmiş komandiri kimi tanınır”.