İsrail Qəzza zolağına humanitar yardımın çatdırılmasının əleyhinə deyil.

KONKRET.az xəbər verir ki, bunu İsrailin baş naziri Benyamin Netanyahu deyib.

“Biz bilirik ki, humanitar yardım göstərilməlidir. Bu prosesi amerikalı dostlarımız və ABŞ prezidenti Co Baydenlə koordinasiyalı şəkildə edirik”, – nazir bildirib.

Netanyahu əlavə edib ki, İsrail HƏMAS-a İsrail Müdafiə Qüvvələrinin əsgərlərini təhlükəyə atmaq imkanı vermək istəmir.

Onun sözlərinə görə, İran və şiə Hizbullah partiyası münaqişəyə girəcəkləri təqdirdə güclü cavabla qarşılaşacaqlarını çox yaxşı başa düşürlər.

“Ümid edirəm ki, onlar bu səhvə yol verməzlər”, – Netanyahu qeyd edib.

Ariz Həsənoğlu,

KONKRET.az