KONKRET.az xəbər verir ki, bunu “Yeni Sabah”a açıqlamasında “Bakı Metropoliteni”də yaranan nasazlıq səbəbindən, “Nərimanov” stansiyasından evakuasiya edilən sərnişin Orxan Mirzəyev deyib.

O bildirib ki, qatalar qəfildən dayanıb:

“Gənclik”də minmişdim, “Nərimanov”da saxladılar və dedilər ki, düşün metroda gərginlik aşağı düşüb”.

Qeyd edək ki, “Bakı Metropoliteni”nin bütün stansiyalarında sərnişinlərin girişinə müvəqqəti məhdudiyyət tətbiq edilib.

İlkin məlumata əsasən, bu gün saat 12:10 radələrində “Ulduz-Nərimanov” mənzilində təmas relsinə yüksək gərginliyin verilməsində nasazlıq yaranıb.

Təhlükəsizlik məqsədilə “Ulduz” və “Nərimanov” stansiyalarında sərnişinlərin təxliyəsi həyata keçirilir. Bu səbəbdən qatarların “Nərimanov-Əhmədli” istiqamətində hərəkəti məhdudlaşdırılıb.

Hazırda problemin aradan qaldırılması və gərginliyin bərpası istiqamətində tədbirlər görülür.