Qazaxıstanın paytaxtı Nursultanda 82 yaşlı müğənni Nurgali Nusipjanov 37 yaşlı sevgilisi ilə evlənib. Konkret.az Qazaxıstan mediasına istinadla xəbər verir ki, müğənninin həyat yoldaşı KTK telekanalının jurnalisti Jadira Seitjandır. O, ərini dağla, özünü də bu dağı işıqlandıran bir şüa ilə müqayisə edib. Və ondan bir uşaq doğacağına söz verib.

“Ümumiyyətlə, 45 yaşındasınız və hələ evli deyilsinizsə, onda bilməlisiniz: bəlkə gələcək sevgiliniz hələ dünyaya gəlməyib”. Sosial şəbəkə istifadəçiləri arasında toyu ironik tərzdə tənqid edənlər də tapılıb. Yeri gəlmişkən, Nurgəli Nusipjanovun ilk evliliyindən beş qızı var.