Bayden İrana verdiyi vədi yerinə yetirib.

KONKRET.az İran mediasına istinadla xəbər verir ki, ABŞ Maliyyə Nazirliyinin açıqladığı sənədə əsasən, Birləşmiş Ştatlar bir sıra İran rəsmilərinə, o cümlədən Tehran polis rəisinə, bəzi İran hərbi rəhbərlərinə qarşı sanksiyalar tətbiq edib.

Bildirilir ki, ABŞ Maliyyə Nazirliyinin Xarici Aktivlərə Nəzarət İdarəsi (OFAC) bu gün İran hökuməti və təhlükəsizlik aparatının 7 yüksək vəzifəli rəsmisini İranda internetə çıxışı bağladıqları və dinc nümayişçilərə qarşı zorakı hərəkətləri davam etdirdikləri üçün sanksiyalara məruz qoyub.

Sənədə əsasən, sanksiyalara aşağıdakılar daxildir:

İsa Zarepur, İranın Telekommunikasiya və İnformasiya Texnologiyaları Naziri;

Əhməd Vahidi, İranın daxili işlər naziri;

Yadullah Cavani, İran İslam İnqilabı Keşikçiləri Korpusunun siyasi məsələlər üzrə müavini;

Vahid Məcid, Kiber Polis İdarəsinin rəisi;

Hüseyn Nejat, Sarulla düşərgəsindəki SEPAH-ın baş komandanı;

Həsən Rəhimi, Tehran polisinin rəisi;

Hüseyn Sadjadiniya, Kiber Əməliyyatlar üzrə Müavini.

Xuraman Etibarlı,

KONKRET.az