Bu gün Bakıda salondan yeni alınan avtomobil Ağdaş rayonu ərazisində idarəetmədən çıxaraq aşıb.
KONKRET.az-ın bölgə müxbirinin verdiyi məlumata görə, hadisə axşam saatlarında Bakı-Qazax magistralının 260-cı kilometrində, magistralın Ağdaş rayonu ərazisindən keçən hissəsində baş verib.
Qardaşı ilə bərabər paytaxtdan xarici markalı minik avtomobili alıb geri dönən 1991-ci il təvəllüdlü Nağıyeva Vüsalə Şahid qızı idarə etdiyi yeni maşını aşırıb. Durumu daha ciddi olan qadın sürücü və avtomobildə olan qardaşı xəstəxanaya çatdırılıb.
Faktla bağlı araşdırma aparılır.
Ehtiram Muradov,
KONKRET.az