“Nəhayət gözlərinizi açın! Erməni zəifləyən siyasi qüvvələr öz mənasız hərəkətlərini davam etdirərkən və bu gün Ermənistanın siyasi meydanında baş verənlər əslində mənasızdır, çünki gördüyümüz kimi heç nə dəyişmir, dünya öz planlarını Ermənistan ətrafında toxuyur”.

KONKRET.az xəbər verir ki, bu fikirləri siyasi şərhçi Amaliya Papyan vurğulayıb.

O, özünün məqaləsində daha sonra yazır: “Sərhədlərimizin bütün istiqamətlərində müxtəlif qoşun və hərbi texnika toplanır. Artıq aydındır ki, bundan sonra Ermənistanın suveren ərazisinin qalan hissəsinin döyüş meydanına çevrilməsi planlaşdırılır. Super güclərin arasında mövcud mübahisələrin həll ediləcəyi “tərk edilmiş” bir torpaq sahəsində. Bölgənin yenidən bölüşdürülməsi nəticəsində təbii olaraq öz infrastrukturuna ziyan vurmaq istəməyən, qayğısız gündəlik həyatına müdaxilə etməməyi üstün tutan vətəndaşlar kimi öz maraqlarını güdən ölkələr tərəfindən tapdalanacağıq. Görəsən, fillərin üzərindən keçdiyi torpağa nə olur?

Belə çıxır ki, Ermənistan bu dünyanın gücləri üçün mübarizə halqası kimi də xidmət etməlidir. Bölgənin yeni xəritələşdirilməsi ilə bağlı diplomatik yolla razılaşma əldə olunmasa, o zaman özümüzü üçüncü dünya müharibəsinin episentrində görəcəyik. Ermənistanın bu mübarizədə iki sadə səbəbdən öz maraqlarının olmayacağını anlamaq çox qorxuncdur:

1.Ermənistanda Ermənistanın maraqlarını gündəmə daxil edə biləcək bir hökumət yoxdur.

2.Ermənistanın maraqlarını möcüzəvi şəkildə müdafiə etməyin yolu yoxdur.

Bölgə ilə maraqlanan heç bir dövlət bizimlə hesablaşmır. Əvvəllər hansısa bir müdafiə və ya müqavimət nəzərdə tutulurdusa, Ermənistan yalnız yerli səviyyədə öz sözünü deyə bilərdi. Əlbəttə ki, evlərini və ailələrini qoruyacaq cəsarətli insanlar olacaq, amma, ümumiyyətlə, bir dövlət olaraq Ermənistan bu qlobal “oyunlarda” rol oynaya bilməz. Yeni dünya müharibəsinin mərkəzində olmaq məsələsi sabah Putin və Ərdoğan arasında Soçidə keçiriləcək görüşdə həll edilə bilər. Nə bu gün, nə də heç bir vaxt Rusiya əsgərini başqa bir dövlətin xeyrinə qurban verməz. Kimsə öz dövlətinin mənafeyini güdməsə, heç vaxt hərbi resursları israf etməz. Bu təbiidir, çünki böyük humanizm dövlətin mənafelərinə uyğundur. Üstəlik, Ermənistan heç vaxt öz dövlətinin maraqlarını təmsil edə bilmədi.

Amma bu, hamısı deyil. Türkiyə uzun müddətdir ki, Rusiya ilə oyun oynayır və türk diplomatlar dəfələrlə bildiriblər ki, görüşdə əldə olunan razılaşmalar çox az məna kəsb edəcək. Yəni Ərdoğan Rusiya ilə razılığa gələ bilər, sonra evə qayıdıb fərqli bir oyun oynamağa qərar verə bilər, məsələn, İranla, təbii ki, Azərbaycanın iştirakı ilə.

Bəs Damoklun qılıncı artıq başının üstündə asılı qalanda Ermənistan nə edir? Heç nə! Məişət səviyyəsində daxili siyasətlə məşğuldur və bölgədəki aktiv qarışıqlığa heç bir reaksiya vermir. Bu iki şeyi ifadə edə bilər. Hakimiyyətlərimiz üçün başqa bir dövlətin “əlavəsi” roluna icazə verilir, məsələn, bir neçə dövlət dili məsələsinin yenidən nəzərdən keçirilməsinin təklif edildiyini və dövlətimizin yenidən yeni dilə hazır olduğunu güman etmək olar.

İndiki vəziyyətdə hər hansı bir mövqedən baxdığınız qərar bizim üçün doğru ola bilməz. Ancaq sosial şəbəkələrdə və digər “təhlükəsiz” yerlərdə iqtidar və müxalifətin fəaliyyətini izləyərək, bu dünyanın GÜCLÜlərinin qərar verəcəyini gözləməliyik. Güclülərin öz övladları var və yetimlərə yalnız müəyyən pay verilir, ancaq bundan əvvəl yetimin başı yenidən keçəl qırxılacaq”.

Rəsmiyyə Şərifova,

KONKRET.az