Konkret.az erməni mediasına istinadla xəbər verir ki, Ermənistan vətəndaşı Arkadi Qalstyan “Ermənistan dövlət deyil” şüarı yazılmış plakatla hökümət binası qarşısında etiraz çıxışı edib. Tezliklə öyrədilmiş bir vətəndaş ona yaxınlaşaraq bu sözə qarşı etirazını bildirib: “Sən deyirsən, Ermənistan Respublikası dövlət deyil?” Beləliklə, paytaxt sakinləri arasında əsl mübahisə yaşanıb. Yaşlı kişi deyib ki, bu, normal şərh deyil. Arkadi Qalstyan isə öz növbəsində jurnalistlərə verdiyi müsahibədə ölkədə vəziyyətin bütün fəsadları barədə danışıb. “Dövlət o vaxt dövlətdir ki, bütün sahələrdə yanaşmaları tənzimlənməlidir. Mən isə bunu görmürəm”, – deyən Qalstyan hökumətin vahid iqtisadi, siyasi platformasının olmadığından dəhşətə gəldiyini diqqətə çatdırıb.

Konkret.az