“Nikol Paşinyan bu yaxınlarda 2021-ci ilin Ermənistanın iqtisadi ambisiyalarının bərpası ili olacağını bildirib. Amma rəsmi statistikaya görə, 2021-ci il Ermənistanın dərin bir böhran içində vurnuxduğu bir il olacaq. Böhrandan çıxmaq üçün Ermənistan hökuməti aydın, başa düşülən və konkret, qeyri-standart həllərə ehtiyac duyulan bir iqtisadi siyasət yürütməlidir”.

KONKRET.az xəbər verir ki, bunu “Sosial ədalət naminə” partiyasının lideri, “Xalqın Səsi” klubunun eksperti Arman Qukasyan “Moskva-Bişkek-İrəvan-Minsk-Nur-Sultan” telekonfransı zamanı söyləyib.

O əlavə edib ki, “Ermənistan hökumətinin son 2,5 ildə gördüyü işlər indi nəticə verməyəcək, çünki Ermənistan ciddi problemlərlə üzləşir. Əvvəlcə 2020-ci ildə 4,8% iqtisadi artım planlaşdırılırdı. Lakin bu yaxınlarda Ermənistanın İqtisadiyyat Naziri bizdə təxminən 8.5% azalma (həm ixracatda, həm də idxalda azalma) olacağını bildirib. Əlbəttə ki, pandemiya və “Artsax”dakı müharibə ölkə iqtisadiyyatına çox böyük zərbə vurdu, lakin səlahiyyətlilər düzgün və böhran əleyhinə bir siyasət yürüdə bilmədilər. Nəticədə 2021-ci ildə insanlarımız iqtisadi böhranın məngənəsində sıxılmaq məcburiyyətində qalacaqlar. Təəssüf ki, hökumət susur, bu məsələləri necə həll edəcəyini və bundan sonra nə edəcəyini ictimaiyyətə təqdim etmir”.

Qukasyana görə,  Ermənistanın bu il dövlət borcunun 8 milyard dollara qədər artacağı artıq məlumdur (İrəvan Beynəlxalq Valyuta Fondundan 400 milyon dollar alacaq).

Lətif,

KONKRET.az