Bakıda avtobusda İNSİDENT: Ata və oğul sərnişini al-qana boyadı – VİDEObackend

Bakıda avtobusda İNSİDENT: Ata və oğul sərnişini al-qana boyadı - VİDEO

Biləcəri-Binəqədi-Memar Əcəmi istiqamətində işləyən “92” saylı marşrut avtobusunda böyük insident yaşanıb.

KONKRET.az-ın əldə etdiyi məlumata görə, hadisə bu gün saat 17:20 radələrində baş verib. Belə ki, sözügedən avtobusda 3 nəfər şəxs arasında əlbəyaxa dava düşüb.

Hadisə şahidlərinin saytımıza verdiyi məlumata görə, avtobusa minən ata və oğlu sərnişinlərdən birini döyməyə başlayıb. İnsidentin hansı səbəbdən yaşandığı tam məlum olmasa da, döyülən şəxsin yanlış hərəkət etdiyi və bu səbəbdən də avtobusa minərək qaçmağa çalışdığı bildirilib.

Lakin avtobusu saxlatdırmağa nail olan ata və oğlu həmin şəxsi döyərək marşrutdan yerə salmağa çalışıb. Bu an avtobusda olan digər sərnişinlər onları sakitləşdirməyə cəhd göstərsələr də, heç bir nəticə hasil olmayıb.

Sonda ata və oğul döydükləri şəxsi avtobusdan endirməyə nail olublar. Ümid edirik ki, aidiyyəti qurumlar məsələni araşdıraraq ictimaiyyətə geniş məlumat verəcəklər.

İnsidentin görüntülərini təqdim edirik:

Müşviq Tofiqoğlu,

KONKRET.az

 

  • Həsən
    Noyabr 18, 2022 - 13:31

    Ağsaqqalın əlində çörək var. Yeniyetmə oğul da atasının yanında heç kəsə sataşmaz. Görünür “qana boyanan” şəxs təqsirkardır.

  • Zaur
    Noyabr 18, 2022 - 19:36

    Video yoxdur axı.yüklənmir..

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*