2025-ci ilin iyun ayından Rusiyada telefon və internet fırıldaqçılarından genişmiqyaslı müdafiə sistemi fəaliyyətə başlayacaq.
KONKRET.az news24-a istinadən xəbər verir ki, imzalanan qanun bank köçürmələrinə, mobil rabitəyə və bazarların işinə təsir edir və milyonlarla rusiyalının gündəlik həyatına təsir edəcək.
Əsas məsələ banklardan, telekommunikasiya operatorlarından, dövlət qurumlarından və onlayn platformalardan məlumatları qəbul edəcək vahid informasiya sisteminin yaranmasıdır. Kimsə şübhəli hesaba pul köçürməyə və ya saxta nömrədən zəng etməyə cəhd edərsə, sistem fırıldaqçının izini sürəcək və məlumatı bütün iştirakçılara ötürəcək.
Artıq dövlət qurumları, banklar və mobil telefon şirkətləri “WhatsApp” və ya “Telegram” vasitəsilə müştərilərlə əlaqə saxlaya bilməyəcək. Bu, nömrə saxtakarlığı və təşkilatlar adından icazəsiz yazışma risklərini tamamilə aradan qaldıracaq.
Salam! Siz xəbər saytları nə üçün xarici ölkələrə aid olan xəbərləri ümumilikdə verirsiniz? Yəni xəbər başlığını elə qeyd edirsiniz ki, sanki, bu, Azərbaycanda olacaq. Xəbər başlığında “Bankomatlardan pul çıxartmaq mümkün olmayacaq” yazmısınız. Bunu oxuyan hər bir vətəndaş elə biləcək ki, həmin xəbər Azərbaycana aiddir. Əgər Rusiyaya aiddirsə, o zaman, belə də yazmaq olardı: “Rusiyada bankomatlardan pul çıxartmaq mümkün olmayacaq”. Siz belə mənasız xəbərlər ilə vətəndaşlar arasında narahatlıq yaradırsınız. Ümumiyyətlə, bütün özəl xəbər saytları ləğv edilməli və rəsmi dövlət saytları fəaliyyət göstərməlidirlər ki, onlar tam dövlət xətti ilə və dəqiq məlumat paylaşsınlar. Yoxsa, hər yerindən qalxan savadsız adam bir xəbər saytı açaraq fitnə-fəsad çıxardır.
Bəli bu qardaşın yazdığı rəylə razılaşıram çünki vallah ayıbdır rusiyada baş vermiş bu və bunun kimi paylaşımları niyə edirsiniz insanlarımız arasında çaşqınlıq yaradırsınız bütün özəl xəbər saytları ləğv edilsin və rəsmi Dövlət saytları fəaliyyət göstərməlidir
Guya nəsə yenilik edirlər.Öz aləmlərində professionaldırlar.
Bir də görürsən,”Əhaliyə şad xəbər” .Girib oxuyursan ki ,Mozambikdən gedir söhbət.
Qeyri peşəkar iş görürlər.Bir-iki dəfə belə xəbəri gördükdən sonra artıq daxil olub oxumursan.Beləcə olan-qalan izləyici kütləsini də itirdiklərindən xəbərləri yoxdur.
Özüvüzə kütlə qazanmaq üçün növbəti fırıldağınız sizin verdiyiniz xəbərlərə etibarım yoxdu