Baydenin Türkiyə ilə bağlı tələbini həzm edə bilmədilər – “Şok olduq”backend

Baydenin Türkiyə ilə bağlı tələbini həzm edə bilmədilər – “Şok olduq”

ABŞ Prezidenti Co Bayden türk həmkarı Rəcəb Tayyib Ərdoğanla görüşündən sonra Türkiyəyə F-16 satmağa hazır olduğunu və Konqresin bunun təsdiqi üçün Vaşinqtona çatan kimi çalışacağını bildirib.

KONKRET.az xəbər verir ki, Bayden F-16-ların Türkiyəyə satılmasının vacib olduğunu söyləyib.

“Bunu etməmək maraqlarımıza ziddir. Biz onlara F-16-ları satmalıyıq. Düşünürəm ki, bununla bağlı Konqresdən icazə ala bilərik”, – Amerika lideri deyib.

ABŞ-dakı yunan lobbisinin tanınmış simalarından olan Nümayəndələr Palatasının üzvləri Qus Bilirakis və Nikol Malliotakis Baydenin sözlərinə bəyanatla cavab veriblər.

 

“Keçən ay Vaşinqtona gələn Yunanıstan Baş naziri Mitsotakisin Türkiyənin hücumlarından birbaşa narahat olduğunu dilə gətirməsindən sonra Prezident Baydenin Türkiyəyə F-16 döyüş təyyarələri və modernləşdirmə dəstlərinin satışını dəstəklədiyini eşitmək şokedici oldu”, – bəyanatda bildirilib.

Bəyanatda senatorlar belə bir satışın əleyhinə olduqlarını və Nümayəndələr Palatasının Xarici Əlaqələr Komitəsində buna etirazlarını bildirəcəklərini deyiblər. Teleqraf.com

Bir cavab yazın

Sizin e-poçt ünvanınız dərc edilməyəcəkdir.

*

*

*