Dilan-Engin Polat cütlüyü və ailələri ilə bağlı İstanbul Anadolu Baş Prokurorluğunun Terror və Mütəşəkkil Cinayətlər İstintaq Bürosu tərəfindən araşdırma aparıldığı məlum olub.

KONKRET.az xəbər verir ki, Anadolu Baş Prokurorluğu, 13 şübhəlinin əmlaklarını cinayət yolu ilə əldə etdiyinə dair konkret sübutların olduğunu müəyyən edib.

Qeyd edək ki, cütlüklər sosial media fenomeni kimi tanınırlar.

İş yerlərində axtarışlar zamanı haqqında vergidən yayınma iddiaları olan Dilan Polat və əri Engin Polatın bütün əmlakı müsadirə edilib. Bundan əlavə, Polat cütlüyünə səyahət qadağası qoyulub.

Son günlər iş yerlərinə silahlı hücumlarla gündəmə gələn və vergidən yayınma iddiaları ilə gündəmə gələn Dilan Polat və əri Engin Polatın birinci və ikinci dərəcəli qohumlarının da əmlakına həbs qoyulub. Xaricə çıxışı da qadağan edilən cütlüklə bağlı Maliyyə Cinayətlərini İstintaq Şurasının (MASAK) hesabatı da üzə çıxıb. Hesabatda şirkətlər arasında şübhəli münasibətlərin olduğu və neylon hesab-fakturalar verməklə vergi bazasını azaltmağa çalışdıqları da qeyd olunub.

Rəsmiyyə Şərifova,

KONKRET.az