Bineyi-qədimdən dilimizdə mövcud olan “inanclı insan” ifadəsini son illərdə məqsədli olaraq siyasiləşdiriblər.
Kimin etdiyini tapmaq üçün çox da baş sındırmaq lazım deyil.
Məsələn, “Bir qrup inanclı insan …” başlıqlı informasiyanı oxuyanda insana gəlir ki, xalqımızın yerdə qalanı buddistdir.
Və yaxud son günlər İranla şübhəli əlaqələrdə ittiham olunan bir neçə şəxsin həbs olunması “dini fəallar həbs edildi”, “dindarlar həbs edildi” və s. kimi başlıqlarla ictimaiyyətə təqdim etmək yanlışdır.
“Azadlıq” qəzeti, “BBC” adətən bu kimi başlıqlardan istifadə edir və başqaları…
Azərbaycan xalqının mütləq əksəriyyəti inanclıdır, dininə qarşı sayqılıdır, modern dindardır. Yəni çox vaxt namaz-niyazla işləri olmaz, amma İslam ümməti olduqlarının fərqindədirlər, fundemantal islami dəyərlərə birmənalı əməl edirlər. Məhərəmmlik, orucluq və s.
Həbs edilənlər isə “dini fəal”, “inanclı insan” olduqları üçün yox, anti-konstitusion fəaliyyətlə məşğul olduqları, dövlətin sütunlarını gəmirdikləri üçün qandallanıblar. Yəni həmişə belə olub.(Onlara gəmiricilər deyə bilərik)
Bu ölkənin rəhbəri məsciddə namaz qılır, ölkəmizdəki sağlam dini mühitin, vəhdət namazı kimi nümunəvi ənənələrin müəllifidir. İslamın prinsiplərinə, Quranın hökmlərinə istinad etsək, vətən torpağını, müsəlman yurdunu işğalçılardan azad edən qazi sərkərdədir. Allah qatında bundan savab əməl varmı, şəhidlikdən qeyri?!
Əsl inanclı insan İlham Əliyevdir!
Bizlərik!
Ən nümunəvi İslam ölkəsi isə Azərbaycandır!
Qısacası, məmləkətimizdə dindara, inanclı insana etiqadına görə “gözün üstə qaşın var” deyən yoxdur!
Yetər ki, minbər tribunaya çevrilməsin…
Yenidən mətləbə qayıdaq, xülasə, dindar ayrı, İran agenti ayrı. Burdakı incə cizgini görməliyik. Hər dindarın İran agenti olmadığı kimi, paralel olaraq da hər İran agenti dindar deyil. Bir daha təkrar edirəm, hər İran agenti saqqal saxlayıb, əba geyinib, təsbeh çevirərək, uzaqdan “yansın dilim ağzımda, məni həbs et, həbs et məni, sevgili dövlət, məni həbs et” deyə haraylamır… Bəlkə də son əməliyyatlarda saxlanılanlar İranın məqsədli olaraq, iz örtmək üçün verdiyi agent-qurbanlardır…
Böyük bir ələk lazımdır!
Gec-tez münasibətlər sahmana düşəcək, belə də olmalıdır, amma biz yenə də ölkəni ələkdən keçirək.