Xəbər verdiyimiz kimi, dünən Ermənistan müdafiə naziri Suren Papikyan Ermənistan Silahlı Qüvvələrinin ikinci ordu hissəsinə, Azərbaycanla sərhədə gəlib.
KONKRET.az erməni KİV-nə istinadən xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.
“Papikyan poliqonda olub, burada müasir texniki vasitələrlə, yerli istehsal olan cihazlarla tanış olub.
Nazir əks-hücum əməliyyatlarının həyata keçirildiyi hərbi təlimlərə baxıb. Təlimlərin sonunda nazir bir qrup hərbçiyə mükafatlar təqdim edib.
Müdafiə İdarəsinin rəisi, həmçinin sərhədin şimal-şərq hissəsindəki döyüş postlarına baş çəkib, aparılan mühəndis-texniki işlərin gedişi, o cümlədən hərbi qulluqçuların xidmət və məişət şəraiti ilə tanış olub, durbinlə Azərbaycan mövqelərinə baxıb”, – məlumatda deyilir.
Xatırladaq ki, Ermənistan müdafiə idarəsinin rəisi Ermənistan-Azərbaycan sərhədinin Naxçıvan sektorunda olub.
Roman Göytürk,
KONKRET.az