Cənubi Koreyanın Qumi bələdiyyəsində işləyən robot özünü pilləkəndən aşağı atıb. Robot daha sonra işçilər tərəfindən hərəkətsiz vəziyyətdə tapılıb.

KONKRET.az xarici mediaya istinadən xəbər verir ki, binadakı digər robotlardan daha çox iş yükü daşıdığı bildirilən robotun intihar etməsi xəbər ölkə gündəmini zəbt edib. Robotun hissələri tez bir zamanda bələdiyyə işçiləri tərəfindən toplanıb və analiz üçün laboratoriyaya göndərilib. Robotun bu qeyri-sabit davranışının səbəbi hələ də aydın deyil.

Bildirilib ki, robotun iş kartı var və digər işçilər kimi səhərdən axşama kimi işləyir. Hadisə ölkədə ilk robot intiharı kimi qeydə alınıb.

Burhan,

KONKRET.az