Nigeriya ordusunun əsgəri qeyri-hökumət təşkilatının (QHT) işçisini və bir əsgəri güllələyərək öldürüb, BMT-yə məxsus helikopterin pilotlarından birini isə yaralayıb.
KONKRET.az xəbər verir ki, bu barədə “Agence France–Presse” ordunun bəyanatına istinadən məlumat yayıb.
Bildirilib ki, əsgər humanitar yardım göstərən qeyri-hökumət təşkilatlarından birinin əməkdaşını güllələyib.
“Həmin şəxs daha bir əsgəri öldürüb və BMT-yə məxsus helikopterin ikinci pilotunu yaralayıb”, – məlumatda deyilir.
Zərərçəkənin vəziyyəti stabil qiymətləndirilir.
Hərbçilər əsgəri zərərsizləşdirib. Hadisənin hansı səbəbdən baş verdiyi hələlik məlum deyil.
İqbal Rzayev,
KONKRET.az