Evlilik uzun səbir, anlayış və qarşılıqlı kompromis tələb edir. Ancaq bəzi insanlar azadlığı daha çox sevdiyi, bəziləri isə çətin xarakterə sahib olduğu üçün münasibətlərdə uzunömürlü harmoniya qurmaqda çətinlik çəkir. Astroloqlar hesab edir ki, müəyyən bürclər emosional dəyişkənlik, səbirsizlik və ya sərbəst həyat sevgisi səbəbindən evlilikdə daha çox problem yaşayır.

KONKRET.az evliliyi uzun sürməyən 5 bürcü təqdim edir:

Əkizlər

Əkizlər bürcü dəyişkən xarakteri ilə tanındığı üçün uzun müddət eyni münasibət ritmində qalmaq onlar üçün çətin olur. İlk vaxtlar münasibətə böyük enerji və maraq göstərsələr də, zaman keçdikcə tez sıxıla bilirlər. Daim yenilik və fərqli emosiyalar axtardıqları üçün evlilikdə monotonluq onları uzaqlaşdırır. Qarşı tərəf onları başa düşmədikdə isə münasibətdə soyuqluq yaranır. Bu səbəbdən Əkizlərin evlilik həyatında sabitliyi qoruması bəzən çətin olur.

Oxatan

Oxatan azadlığı hər şeydən üstün tutan bürclərdəndir. Onlar qayda və məhdudiyyətləri sevmədikləri üçün evlilik məsuliyyəti bəzən bu bürcdən olan insanlara ağır gəlir. Münasibətdə daim həyəcan və yenilik axtarırlar. Eyni həyat tərzi uzun müddət davam etdikdə özlərini sıxılmış hiss edirlər. Bu da münasibətlərdə tez-tez uzaqlaşmalara səbəb olur.

Dolça

Dolça bürcü emosional deyil, daha çox məntiqi düşünməyi sevir. Onlar münasibətdə sərbəstliyinin məhdudlaşdırılmasını qəbul etmirlər. Qarşı tərəfin çox bağlı və tələbkar olması Dolçanı münasibətdən soyudur. Hisslərini hər zaman açıq göstərmədikləri üçün partnyorları tərəfindən soyuq insan kimi qəbul edilirlər. Bu səbəbdən evlilikdə emosional məsafə yarana bilir.

Qoç

Qoç bürcü ehtiraslı və impulsiv xarakterə sahibdir. Onlar münasibətlərə sürətlə başlayır və hər şeyin istədikləri kimi olmasını gözləyirlər. Mübahisələr zamanı səbirsiz davranmaları münasibətdə problemləri artırır. Qarşı tərəflə kompromisə getməkdə çətinlik çəkirlər. Bu xüsusiyyətlər isə evlilikdə uzunmüddətli sabitliyin zəifləməsinə səbəb olur.

Şir

Şir bürcü münasibətdə diqqət və xüsusi yanaşma gözləyir. Onlar daim sevilmək və qiymətləndirilmək istəyirlər. Əgər tərəfdaşlarından kifayət qədər maraq görməsələr, münasibətdə problemlər yaranır. Qürurlu olduqları üçün səhvlərini qəbul etməkdə çətinlik çəkirlər. Bu isə ailə daxilində uzun sürən gərginliklər yarada bilir. Bəəzn isə ayrılmaqdan başqa çıxış yolu qalmır./metbuat