Fələstin lideri Mahmud Abbas 24 iyun hadisələri ilə bağlı Rusiya hakimiyyətinin hərəkətlərini tam dəstəkləyir.

KONKRET.az xəbər verir ki, bu barədə Kremlin mətbuat xidməti məlumat yayıb.

Mahmud Abbas bunu Rusiya prezidenti Vladimir Putinlə telefon danışığında bildirib.

“Qarşı tərəfinin təşəbbüsü ilə Rusiya prezidenti Vladimir Putin Fələstin lideri Mahmud Abbasla telefon danışığı aparıb. Fələstin lideri 24 iyun hadisələri zamanı Rusiya rəhbərliyinin konstitusiya quruluşunun və qanun və asayişin qorunması istiqamətində hərəkətlərini tam dəstəklədiyini bəyan edib”, – məlumatda qeyd olunur.