Türkiyəli məşhur müğənni Hande Yener ötən axşam Ataşehirdə pərəstişkarları ilə görüşüb. Populyar mahnılarını sevənləri üçün ifa edən Yener səhnədə huşunu itirib.

KONKRET.az Türkiyə mediasına istinadən xəbər verir ki, əvvəlcə səhnə arxasında əyləşən, sonra isə böyük təlaşla bayıra çıxarılan Hande Yener bir müddət ara verdikdən sonra yenidən səhnəyə çıxıb.

Yenerin səhnədə ürək bulanması səbəbindən başgicəllənmə hiss etdiyi məlum olub. Hazırda ifaçının səhhətinin yaxşı olduğu bildirilib.