Rusiya Müdafiə naziri Sergey Şoyqu həmkarı, Türkiyənin Milli Müdafiə Naziri Hulusi Akar ilə telefon danışığı aparıb.
KONKRET.az xəbər verir ki, söhbətdə Türkiyə təmsilçisi Ermənistan tərəfindən Azərbaycanın mülki yaşayış məntəqələrinə hücumların dayandırılmasının lazım olduğunu söyləyib.
Müdafiə və təhlükəsizlik məsələləri, o cümlədən Ermənistanın Azərbaycana hücumu, eləcə də İdlib və Liviyadakı vəziyyət barədə fikir mübadiləsi aparılıb.
TASS agentliyi Türkiyə Müdafiə Nazirliyinə istinadən yazır ki, söhbət zamanı nazir Akar mülki yaşayış məntəqələrinə hücumların dayandırılmasının, eləcə də Ermənistanın işğal olunmuş ərazilərdən çəkilməsinin lazım olduğunu deyib.
News.ru-nun yazdığı kimi, Rusiya xarici işlər naziri Sergey Lavrov vurğulayıb ki, Türk səlahiyyətliləri Moskvadakı üçtərəfli görüşdə Azərbaycan və Ermənistan nümayəndələri arasında aparılan danışıqlar zamanı Dağlıq Qarabağdakı vəziyyətlə bağlı razılaşmaları dəstəkləyir.
Bundan əvvəl Rusiya Prezidenti Vladimir Putin, Ermənistan və Azərbaycanın xarici işlər nazirlərini Sergey Lavrovun vasitəçiliyi ilə Dağlıq Qarabağdakı vəziyyəti müzakirə etmək üçün Moskvaya dəvət etmişdi. Müzakirələr 9 oktyabrda başlayıb və 10 oktyabr gecə sona çatıb.
İclas zamanı tərəflər barışıq imzalayıblar və sənəd 10 oktyabr saat 12: 00-da qüvvəyə minib.
Xatırladaq ki, 27 sentyabrda Dağlıq Qarabağda açıq qarşıdurmalar yenidən başlayıb. Azərbaycan Prezidenti İlham Əliyev televiziya müraciətində İrəvanı ölkənin müxtəlif istiqamətlərində yaşayış məntəqələrini və Azərbaycan ordusunun mövqelərini atəşə tutmaqda günahlandırıb. Əlavə edib ki, son illərdə Ermənistanın təxribatları müntəzəmdir.
Ermənistanla Azərbaycan arasındakı münaqişənin hazırkı mərhələsi otuz ildir uzanır. 1992-1994-cü illərdə 1-ci Qarabağ müharibəsinin sonunda Azərbaycan ərazilərinin təxminən 20% -i qondarma Dağlıq Qarabağ rejiminin nəzarəti altına keçib.
Beynəlxalq ictimaiyyət bu torpaqların Azərbaycana aid olduğunu dəfələrlə bəyan edib.
Babək Göyüş