İngiltərədə ev pişiklərinin mikroçiplənməsi və sahibinin əlaqə məlumatlarının verilənlər bazasında qeyd edilməsi məcburi hala gətirilib.

KONKRET.az xəbər verir ki, Böyük Britaniyanın Ətraf Mühit, Qida və Kənd İşləri Nazirliyi bildirib ki, yeni qanunvericiliyə uyğun olaraq, sahibləri pişiklərinə 20 həftəlik olmamışdan əvvəl mikroçip taxmalı və əlaqə məlumatlarını saxlamalıdır.

Ölkədə 9 milyondan çox ev pişiyi olduğu müəyyən olunub. Vurğulanıb ki, mikroçip itlər üçün artıq məcburidir. Belə çiplər itmiş ev heyvanlarının aşkarlanmasında ən təsirli üsuldur.

Açıqlamada qeyd olunub ki, insanlarla az və ya heç bir əlaqəsi və ya asılılığı olmayan ferma pişikləri və çöl pişikləri kimi sərbəst yaşayan pişiklər üçün mikroçiplərin quraşdırılması öhdəliyi yoxdur.

Bu qaydaya əməl edilmədiyi təqdirdə pişik sahibləri cərimə olunacaq.

Rəsmiyyə Şərifova,

KONKRET.az