“İran ilk dəfə olaraq Ukraynaya hücumlar üçün Rusiyaya ən son hava bombaları verib”.

KONKRET.az xəbər verir ki, bunu Almaniyanın Bild nəşrinin açıq məlumatların təhlili üzrə eksperti Julian Röpke Kursk vilayətindən çəkilmiş videonu şərh edərkən deyib.

Bir gün əvvəl İranın ağır pilotsuz təyyarəsi Qods Mohajer-6 orada qəzaya uğrayıb. O, göyərtəsində İranın ən son sınaqdan çıxmış Qaem-5 (“Qaim-5”) bombalarını daşıyırdı. İranın özündə onlar 2019-cu ildə istifadəyə verilib. Göründüyü kimi, pilotsuz təyyarə Sumi bölgəsinə hücum etməli idi, lakin naməlum səbəbdən düşdü”, –  Röpke bildirib.

Ekspert qeyd edib ki, Rusiya Silahlı Qüvvələri əvvəllər Qaem-5 raketlərindən istifadə etməyib. Onun fikrincə, onlardan istifadə Tehran və Moskva arasında hərbi əməkdaşlığın yeni səviyyəyə çatdığını göstərir.

İranın Qods Aviation Industries şirkəti tərəfindən hazırlanmış Mohajer-6 2018-ci ildə kütləvi istehsala başlayıb və İranın ən uğurlu ixrac pilotsuz təyyarəsi hesab olunur. Həm kəşfiyyat, həm də döyüş əməliyyatları üçün nəzərdə tutulmuş bu pilotsuz uçuş aparatının maksimum uçuş çəkisi 600 kq, qanadlarının açıqlığı isə 10 metrdir.

Burhan,

KONKRET.az